03.11.2025
03 noyabr 2025-ci il tarixində Qarabağ Regional Mədəniyyət İdarəsi Bərdə Tarix-diyarşünaslıq muzeyində Vətən Müharibəsi şəhidi, evin yeganə övladı Hüseynzadə Elməddin Fərman oğluna həsr edilmiş "Açıq dərs" keçirilmişdir. Tədbir Bərdə rayon E.Əsədov adına Türkmən kənd tam orta məktəbinin birgə təşkilatçılığı ilə təşkil edildi. Tədbirdə şəhidin ailə üzvləri, döyüş yoldaşları və digər qonaqlar iştirak etdilər. Öncə Şəhidin adına olan bulaq və məzarı ziyarət edilmiş, önünə gül-çiçək dəstələri düzülərək əziz xatirəsi ehtiramla yad edilmişdir.
Sonra Azərbaycan Respublikasının Dövlət
Himni səsləndirilib, ölkəmizin ərazi bütövlüyü
uğrunda canlarından keçən şəhidlərimizin əziz
xatirəsi bir dəqiqəlik sükutla yad edilib.
Tədbirdə çıxışlar edilərək, Azərbaycan torpaqlarının
işğal edilməsi və 44 günlük Vətən müharibəsində,
qazandığımız qələbə haqqında danışılıb.
Daha sonra şagirdlər vətənpərvərlik ruhunda şeirlər
səsləndirib, mahnılar ifa ediblər.